AQUATERRA
Xestión sustentable dos recursos hídricos e do chan

Liña de investigación 1 – Agricultura de Conservación.

Estúdanse as propiedades e funcións do chan con especial referencia á conservación e calidade do mesmo e á súa variabilidade espacial e temporal. En VITICULTURA DE PRECISIÖN analízase a interacción entre parámetros de física e química de chan, de planta e clima, e como diferentes cubertas vivas e inertes, en filas e rúas, afectan á magnitude destes procesos. En particular: dinámica espazo-temporal do contido de auga e temperatura do chan, tempos de resposta entre parámetros de planta, clima e chan, vigor da vexetación (contido en clorofila e NDVI), virulencia fúngica (con sistema de apoio á xestión), e patróns espaciais de redistribución do chan e os seus principais compoñentes (N-P-K e C) ?conectividad do sedimento?. Para esta actividade, disponse de instalacións permanentes no campo (monitorización en tempo real), campañas periódicas con drones e observacións en campo. En CONSERVACIÖN DO CHAN, as principais actividades céntranse en: a) o impacto do uso e manexo nas propiedades físicas, a materia orgánica e a dispoñibilidade de nutrientes, b) o risco de erosión en terreos agrícolas e forestais e c) a eutrofización das augas por impacto do abonado orgánico excesivo de terreos agrícolas e d) o efecto da adicción de emendas procedentes da valorización de residuos nas propiedades do chan.

Liña de investigación 2 – Hidrología- Hidrogeología. Modelos numéricos.

Modelos numéricos de balance de auga e de fluxo e transporte reactivo de solutos.

Desenvolvéronse potentes e sofisticados modelos hidrológicos de concas e modelos numéricos de fluxo e transporte de solutos reactivos en medios porosos e fracturados. Estes códigos actualízanse de forma ininterrompida no marco de proxectos de I+D+i. Algúns dos aspectos novos e de maior impacto desta liña de investigación inclúen: (1) A avaliación dos recursos hídricos en condicións históricas e en futuros escenarios de  cambio climático (CC) para avaliar os efectos do CC; (2) A aplicación de modelos numéricos de fluxo e transporte de solutos en medios porosos e fracturados a diferentes escalas desde ensaios de laboratorio, ensaios de campo e a escala rexional; 3) A aplicación dos modelos de transporte de contaminantes en acuíferos contaminados por nitratos, contaminación radiológica (transporte de uranio desde a fábrica de uranio de Andújar) e contaminantes orgánicos persistentes como o lindano no vertedoiro de Sardas de Sabiñánigo (Huesca); 4) A aplicación de modelos de fluxo para a avaliación dos efectos hidrológicos e ambientais de escavacións subterráneas e túneles; 5) Modelos numéricos axustados de fluxo de auga, transporte de solutos e de calor, reaccións químicas, procesos microbiológicos e radioactivos en medios deformables  para os estudos de seguridade de almacenamentos de residuos radioactivos de alta actividade: 6) A aplicación dos modelos a actividades mineiras: calidade química de lagos mineiros, estimación de niveis xenéricos de referencia de calidade das augas en zonas mineralizadas e avaliación dos efectos ambientais de actividades mineiras.

Liña de investigación 3 – PROCESO DE DATOS, GEOFÍSICA.

Adquisición e análise de datos en Hidrología, Edafología, Climatoloxía e Agronomía.

Estanse monitorizando con sensores variables hidrológicas como caudal e nivel freático, edáficas, como contido hídrico do chan, así como diversos elementos do clima e parámetros da vexetación. Úsanse técnicas de teledetección. O envío en tempo real dos datos medidos á nube facilita en gran medida a adquisición, xestión e descarga dos mesmos, o que permite calcular os tempos de resposta entre as variables estudadas.

Disponse de equipos para a medida de parámetros geofísicos como condutividade eléctrica aparente (Cea) e tomografía de resistividad eléctrica (TRE) en chans e zona non saturada. Os resultados hanse correlacionado con contido materia orgánica, textura ou dispoñibilidade de nutrientes (Cea) e con nivel freático ou contido hídrico (TRI).

Emprégase a análise geoestadístico, fractal e multifractal para caracterizar a variabilidade espazo temporal de series de datos climáticos, hidrológicos e edáficos.