BIOCOST
Bioloxía Costeira

Líña de investigación 1 – Agronomía mariña de enfoque ecosistémico.

Desenvolvemento e optimización das técnicas de cultivo de macroalgas mariñas en sistemas de acuicultura de enfoque ecosistémico (Acuicultura Multitrófica Integrada, AMTI), tanto en mar aberto ("offshore"), como en instalacións en terra ("onshore"), que axudarán á diversificación e sustentabilidade económica e ambiental da acuicultura mariña. O destino da súa produción é a alimentación humana ou animal, a formulación de produtos nutraceúticos ou como materia prima para a obtención de sustancias bioactivas de uso na nosa saúde e benestar. Trabállase polo seu especial interese nas tecnoloxías de cultivo de algas pardas laminariales (Saccharina latissima, Laminaria ochroleuca) e as algas verdes do xénero Ulva ("leituga de mar"), entre outras. O desenvolvemento das técnicas de cultivo dalgunhas destas especies é interesante tamén desde o punto de vista de futuros programas de reforzo das súas poboacións naturais e polos seus servizos ecosistémicos.

Líña de investigación 2 – Impacto do cambio global sobre o medio costeiro.

Avaliación do impacto do cambio global no medio costeiro combinando ferramentas clásicas de ecoloxía de poboacións e comunidades con técnicas de ecoloxía molecular. O estudo inclúe investigar a interacción entre os efectos do cambio global con axentes bióticos locais e rexionais que poden mediar ou incrementar os seus danos (invasións biolóxicas, alteración das interaccións entre especies nativas, sobre-explotación do dominio costeiro). O traballo céntrase en hábitats costeiros de gran valor para a conservación e o mantemento da biodiversidade como bosques de kelp, zona intermareal ou sistemas dunares costeiros.

Líña de investigación 3 –Manexo e conservación de hábitats.

Nesta liña avalíase o impacto das diferentes formas de manexo sobre a conservación dos hábitats terrestres naturais e seminaturales, en especial aqueles sometidos a un uso continuo que require unha xestión sustentable. Entre estes sistemas destacan os brezales, comunidades mixtas de especies arbustivas e herbáceas con gran valor ambiental.