NEUROVER
Neuroanatomía de vertebrados

Liña  de Investigación 1 - Anatomía e organización de circuitos neuronais.

Ningunha neurona traballa illada no encéfalo. As neuronas comunícanse entre si formando intrincadas redes ou circuítos neuronais que permiten integrar a información sensorial e así xerar respostas e realizar distintas funcións. Para entender a función dos circuítos neurales, estudamos as conexións entre distintas áreas do encéfalo mediante a utilización de trazadores neuronais e liñas transxénicas específicas. Ademais, mediante técnicas inmunohistoquímicas, analizamos a expresión de diversos marcadores (neurotransmisores, encimas implicados na ruta de síntese ou degradación de neurotransmisores, neuropéptidos, etc.) presentes no sistema nervioso. Os resultados da nosa investigación dannos información sobre a base estrutural do comportamento como o procesamiento sensorial (olfacción, gusto, visión, etc.), a motivación, o control motor, etc.

Liña  de Investigación 2 - Modelos de peixe cebra de enfermidades raras en humanos.

En colaboración con varios grupos de investigación, traballamos con liñas de peixe cebra que presentan mutacións en xenes relacionados con enfermidades raras en humanos. Mediante o estudo destas liñas, buscamos entender mellor a base xenética e molecular das devanditas patoloxías, o que podería contribuír a novas estratexias terapéuticas en humanos. Até o momento traballamos en modelos de leucoencefalopatía, ataxia e laminopatía.

Liña  de Investigación 3 - Estudos de toxicidade no peixe cebra.

Nos últimos anos realizamos estudos de toxicidade en embrións de peixe cebra. Por unha banda, mediante a aplicación do “Fish Embryo Test” avaliamos a toxicidade aguda ou letal de compostos sobre o desenvolvemento do embrión de peixe cebra. Este test é utilizado por diversas organizacións públicas e privadas para determinar o perigo potencial de diversos compostos químicos e novos materiais nanoparticulados. Ademais, actualmente estamos a estudar o impacto da alteración da homeostasis de metais esenciais sobre o desenvolvemento e función do sistema nervioso do peixe cebra.