A nosa política de igualdade de xénero consiste en promover equipos con equilibrio de xénero, garantir a igualdade de xénero nos órganos de toma de decisións, e ter en conta sempre a dimensión de xénero en investigación e innovación para mellorar a calidade e a pertinencia social dos resultados.
No CICA adoptamos o Plan de igualdade de xénero elaborado pola UDC, o cal, en liñas xerais, estrutúrase ao redor de 4 eixos de traballo:
- Gobernanza, responsabilidade social e transversalidade
- Perspectiva de xénero na actividade docente e investigadora
- Prevención e intervención fronte á violencia machista
- Conciliación, desenvolvemento persoal e carreira profesional
As medidas previstas dentro de cada eixo están dirixidas tanto aos tres colectivos que conforman a comunidade universitaria (docentes, alumnado e persoal de administración e servizos), como á sociedade en xeral.
A UDC actualizaou o seu plan de Igualdade que se pode consultar neste documento:
O CICA creou unha Comisión de Igualdade, Diversidade e Inclusión a raíz das bases establecidas pola UDC a partir da cal se estableceu un plan de igualdade propio que se pode consultar neste documento:
Plan acción de Igualdad, Diversidad e Inclusión CICA 23_27
Algúns datos de xénero no CICA:
- O 53 % do persoal son mulleres.
- 12 de 31 grupos de investigación están coordinados por unha muller.
- O 44 % dos persoal investigador posdoutoral e investigador principal son mulleres.
- O 62 % do persoal investigador predoutoral son mulleres.