A Unidade de Experimentación Animal (UdEA-CICA) da Universidade de A Coruña (UDC) creouse para dar apoio á investigación no ámbito da experimentación animal, tanto a grupos da propia universidade como a outros organismos públicos e privados. 

A Unidade dispón dun animalario de tipo I convencional, con instalacións e equipamento que permiten o aloxamento e manexo de diferentes modelos animais en condicións controladas. Estas infraestructuras facilitan o desenvolvemento de estudos preclínicos e modelos experimentais aplicados á investigación biomédica, farmacolóxica e biotecnolóxica. 

Entre as súas actividades principais inclúense o mantenemento e seguimento de animais de experimentación e a prestación de servizos para a realización de diferentes ensaios. 

A UdEA traballa en coordinación co Comité de Ética da Experimentación Animal (CEEA) da UDC, encargado da evaluación e supervisión dos proxectos que implican o uso de animais.

 

 

Equipamento

A UdEA dispón de instalaciións para o aloxamento de distintos modelos animais, con salas de estabulación equipadas con sistemas de control ambiental e racks con gaiolas IVC. Para o desenvolvemento de ensaioos experimentais, conta con recursos básicos de seguemento clínico, así como equipos destinados a anestesia e a eutanasia humanitaria e material para ciruxía menor e outras intervencións experimentais. 

Servizos

  • Aloxamento de roedores (rata e rato) e peixe cebra 
  • Cría y mantenemento de colonias 
  • Anestesia e eutanasia segundo a normativa 
  • Xestión de residuos biolóxicos 
  • Equipamento para experimentación animal 

Contacto

Unidad de Experimentación Animal (UdEA) 

CICA, planta -1  

Correo electrónico: expanimal.cica@udc.gal 

COMPROMISO COA TRANSPARENCIA

Co obxectivo de reforzar o seu compromiso coa transparencia e a divulgación científica, a Universidade da Coruña (UDC) e o Centro Interdisciplinar de Química e Bioloxía (CICA) adheríronse ao Acordo de Transparencia sobre o Uso de Animais en Experimentación Científica en España, promovido pola Confederación de Sociedades Científicas de España (COSCE).

Esta iniciativa ten como finalidade favorecer unha comunicación aberta e responsable entre a comunidade científica e a sociedade, proporcionando información clara sobre o uso de animais na investigación, as razóns que xustifican o seu emprego, as condicións nas que se levan a cabo estes estudos e as contribucións que esta investigación achega ao avance do coñecemento científico e ao desenvolvemento de novas estratexias para mellorar a saúde e o benestar.

Mediante esta adhesión, a UDC e o CICA asumen o compromiso de fomentar unha maior transparencia en relación coa investigación que implica o uso de animais, facilitando información veraz e accesible e promovendo un diálogo baseado no rigor científico, no respecto polo benestar animal e no cumprimento da normativa vixente.

O Acordo contén catro compromisos relativos á transparencia na experimentación animal:

  • Falar con claridade sobre cando, como e por que se empregan animais na investigación.
  • Proporcionar información axeitada aos medios de comunicación e ao público en xeral sobre as condicións nas que se realiza a investigación que require o uso de modelos animais e os resultados que dela se obteñen.
  • Promover iniciativas que xeren un maior coñecemento e comprensión na sociedade sobre o uso de animais na investigación científica.
  • Informar anualmente sobre os avances e compartir experiencias.

Consulta o Acordo de Transparencia da COSCE